ព្រះសង្ឃឆាន់ចង្ហាន់ចងមុង ព្រោះតែគេចចេញពីហ្វូងសត្វរុយដ៍ច្រើនលើសលប់នៅទីនោះ

  • 2018-10-02 09:27:22
  • Views 54

Shares
704ADC7C-08E5-41F2-8C17-A39C02286B72

កំពង់ស្ពឺ៖ វត្តមួយកន្លែងឈ្មោះថា វត្តសុវណ្ណគិរី ហៅវត្តភ្នំកំប៉ូតស្ថិតនៅតាមបណ្តោយផ្លូវជាតិលេខ៤៤ ក្នុងភូមិតាម៉ុល សង្កាត់ច្បារមន ក្រុងច្បារមន ខេត្តកំពង់ស្ពឺ កំពុងរងការវាយលុក ដោយសត្វរុយ ដែលហើរចេញពីគំនរសំរាម នៅក្បែរនោះប្រមាណប្រហែល១០០ម៉ែត្រ ធ្វអោយ ព្រះសង្ឃត្រូវបង្ខំចិត្ត ចងមុងឆាន់ចង្ហាន់ ដែលពុទ្ធបរិស័ទយកមកប្រគេននៅក្នុងរដូវបុណ្យភ្ជំកាន់បិណ្ឌនេះ ។

បើតាមប្រជាពុទ្ឋបរិស័ទដែលនាំយកចង្ហាន់ទៅវេរប្រគេនដល់ព្រះសង្ឃគង់ចាំព្រះវស្សានៅវត្តនេះ បានឲ្យដឹងថា” ខែរដូវនេះជារដូវបុណ្យភ្ជុំដូច្នេះហើយទើបមិនថា អ្នកនៅជិតឬក៏ឆ្ងាយនោះទេតែងតែនាំកូនចៅមានទាំងចង្ហាន់មកកាន់វត្តដើម្បីឧទ្ទិសកុសលដល់ញាតិការទាំង៧សន្តានទៅកាន់លោកខាងមុខ” ។ តែអ្វីដែលជាការរំខាននោះគឺសត្វរុយដែលហើរចេញពីគំនរសំរាមនៅក្បែរវត្តមកទំលើចានចង្ហាន់យ៉ាងច្រើនស្អេកស្កះមើលទៅគួរឲ្យព្រឺក្បាលខ្លាំងណាស់ ។

ដូច្នេះហើយទើបគណៈកម្មការវត្តព្រមទាំងពុទ្ឋបរិស័ចំណុះជើងវត្តសម្រេចគ្នាថាមានតែចងមុងទេទើបព្រះសង្ឃអាចឆាន់ចង្ហាន់បានដោយគ្មានការរំខានពីសត្វរុយ ។ ម្យ៉ាងការធ្វើដូច្នេះដោយសារតែគិតគូរពីព្រះសុខភាពព្រះសង្ឃ ម្យ៉ាងខែនេះ នៅមានភ្លៀងខ្លាចមូសខាំ នាំឲ្យកើតជំងឺគ្រុនឈាមជាដើម ។

លោកតាអាចារ្យម្នាក់ឈ្មោះគង់ សេង អាយុ៨៥ឆ្នាំបានមានប្រសាសន៍ ឲ្យដឹងថា វត្តកំប៉ូតនេះមានព្រះសង្ឃគង់ ជាង១១អង្គហើយបច្ចុប្បន្នអំឡុងពេលតាំងចូលវស្សាគឺមានតិចតួចនោះទេទើបតែដល់ពេលដាក់បិណ្ឌ(បុណ្យភ្ជុំ)រ ហូតមកដល់នេះណាមួយភ្លៀងផងទើបសត្វរុយហើរមកកាន់តែច្រើនបែបនេះ ដែលសត្វរុយទាំងនេះត្រូវបានដឹងថា ហើរចេញមកពីគំនរសំរាមដែលនៅក្បែរនោះ ។

លោកតាគណៈកម្មការអាចារ្យវត្ត ព្រះសង្ឃ ព្រមទាំងពុទ្ឋបរិស័ទចំណុះជើងវត្តបានសំណូមពរដល់លោកឯម សុគន្ធ ប្រធានមន្ទីរបរិស្ថានខេត្ត សូមចាត់មន្ត្រីជំនាញចុះពិនិត្យ និងទប់ស្កាត់ផង៕

Loading...
Loading...
Recently Posts