ថៅកែ​សិប្បកម្ម​ផលិត​ក្រដាស ជនជាតិ​ចិន គៀប​ចូល​ម៉ាស៊ីន​ស្លាប់ សព​ត្រូវបាន​លួច​ដឹក​ចេញស្ងាត់ៗ យកទៅ​តម្កល់ទុក​នៅ​វត្ត​ស្ទឹងមានជ័យ ដើម្បី​លាក់បាំង​ដល់​សមត្ថកិច្ច

  • 2017-12-09 07:20:00
  • Views 219

Shares

(ភ្នំពេញ)៖ មន្ត្រីនគរបាលមូលដ្ឋានមួយរូប បានលួចបង្ហើបឱ្យដឹងនៅថ្ងៃទី០៩ ខែធ្នូ ឆ្នាំ២០១៧នេះ ហេតុការណ៍ដែលបានកើតឡើង គឺកាលពីវេលាម៉ោង៣រសៀលថ្ងៃទី៧ ខែធ្នូ ឆ្នាំ២០១៧ ស្ថិតនៅក្នុងសិប្បកម្មផលិតក្រដាសគ្មានស្លាក់យីហោ ស្ថិតនៅក្នុងភូមិព្រៃល្ង សង្កាត់ចោមចៅ២ ខណ្ឌពោធិ៍សែនជ័យ។

បុរសថៅកែជនជាតិចិនជាម្ចាស់ រោងសិប្បកម្មផលិតក្រដាសមួយកន្លែងគ្មានស្លាកយីហោ ត្រូវបានម៉ាស៊ីនផលិតក្រដាសស្រូបចូល គៀបជាប់ក្នុងម៉ាស៊ីនស្លាប់ភ្លាមៗ ប៉ុន្តែសពជនរងគ្រោះ ត្រូវបានខាងរោងសិប្បកម្ម លួចដឹកចេញស្ងាត់ៗ ទៅតម្កល់នៅវត្តស្ទឹងមានជ័យ ដើម្បីបំបិទភស្តុតាង។

សពជនរងគ្រោះត្រូវគេស្គាល់ឈ្មោះថា TUO YANGJIAN អាយុ៣៩ឆ្នាំ ជាជនជាតិ និងជាថៅកែសិប្បកម្មនោះផងដែរ និងស្នាក់នៅក្នុងភូមិកើតហេតុខាងលើ។ បច្ចុប្បន្នសពជនរងគ្រោះ ត្រូវបានគេលួចដឹកចេញពីរោងសិប្បកម្ម ទៅតម្កល់នៅវត្តស្ទឹងមានជ័យស្ងាត់ៗ ដើម្បីបង្វៀងដាន និងបំបិទភស្តុតាង។

មន្ត្រីនគរបាលរូបនោះ បានបន្តឱ្យដឹងទៀតថា ករណីខាងលើនេះត្រូវបានបែក ធ្លាយព័ត៌មានកាលពីម្សិលមិញ ភ្ញាក់ផ្អើលដល់មន្ត្រីនគរបាលមូលដ្ឋានចុះទៅពិនិត្យ និងកោសល្យវិច័យភ្លាម។

នៅមុនពេលកើតហេតុ ជនរងគ្រោះរួមជាមួយកម្មកររបស់ខ្លួន សរុបចំនួន៧នាក់ បានធ្វើការងារជាធម្មតា។ លុះដល់ពេលកើតហេតុ ខណៈពេលកំពុងធ្វើការសុខៗ ស្រាប់តែម៉ាស៊ីនសង្វាក់ផលិតកម្មបានគាំងមិនដំណើរការ ភ្លាមៗនោះជនរងគ្រោះបានធ្វើការត្រួតពិនិត្យ លុះពេលកំពុងលូកដៃទាញក្រដាសចេញពីរ៉ូឡូម៉ាស៊ីន ស្រាប់តែម៉ាស៊ីននោះបានដំណើរការឡើងវិញ ពេលនោះជនរងគ្រោះដកដៃមិនទាន់ បណ្ដាលឲ្យ រ៉ូឡូម៉ាស៊ីន ស្រូបគៀបដៃទាញចូលទៅក្នុងម៉ាស៉ីនរ៉ូឡូនោះ ស្លាប់ភ្លាមៗតែម្ដង៕

caa60154-d7a8-402d-9a3d-573bd3ddcabb
fn-2017-12-09-10-53-17-0
fn-2017-12-09-10-53-17-1
fn-2017-12-09-10-53-17-2
98db6404-d577-43a5-bfc7-74493b7dc46d
1-17
Loading...
Loading...
Recently Posts