ភ្ញាក់ផ្អើល ! ស្ត្រី​ម្នាក់​បាន​ដេញតាម​ដណ្ដើម​កូនប្រុស​ពី​ប្ដី រហូត​មានការ​ប្រវាយប្រតប់​គ្នា

  • 2017-10-16 09:06:59
  • Views 329

Shares

ភ្នំពេញ៖ ភ្ញាក់ផ្អើល កាលពីវេលាម៉ោង១១ព្រឹកថ្ងៃទី១៦ ខែតុលា ឆ្នាំ២០១៧នៅលើកំណាត់មហាវិថីសហព័ន្ធរុស្ស៊ីមុខអធិការដ្ឋាន នគរបាលខណ្ឌពោធិ៍សែនជ័យ ស្ថិតនៅក្នុងសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។

IMG-20171016-WA0073

ស្ត្រីម្នាក់បានដេញតាមដណ្ដើមកូនប្រុសពីប្ដី រហូតមានការប្រវាយប្រតប់គ្នាកើតឡើងយ៉ាងខ្លាំងនៅតាមដងផ្លូវ ដោយបានចោទថាប្ដីលួចកូនរត់គេចចេញពីរូបនាង ក្រោយពេលដែលមានរឿងរកាំរកូសជាមួយគ្នាកើតឡើងនៅក្នុងរង្វង់គ្រួសារប៉ុន្មានថ្ងៃកន្លងមកនេះ ។

បុរសជាប្ដីឈ្មោះសាំង ចំរើន អាយុ៤០ឆ្នាំមានស្រុកកំណើតនៅក្នុងឃុំសុភី ស្រុកបាទី ខេត្តតាកែវ និងប្រពន្ធឈ្មោះស្រី ស អាយុ៣៣ឆ្នាំ មុខរបរជាងអ៊ុតសក់ ស្នាក់នៅម្ដុំជិតមន្ទីរពេទ្យកាល់ម៉ែត សង្កាត់ស្រះចក ខណ្ឌដូនពេញ ។អ្នកទាំង២នាក់នេះមានកូនប្រុសម្នាក់ឈ្មោះសាំង ម៉ារ៉ានី អាយុទើបបាន៦ខែប៉ុណ្ណោះ ។

IMG-20171016-WA0075

ប្ដីប្រពន្ធមួយគូនោះរៀបការជាមួយគ្នា១០ឆ្នាំមកហើយ ប៉ុន្តែទើបតែបង្កើតបានកូនប្រុសអាយុ៦ខែម្នាក់នេះតែប៉ុណ្ណោះ ដោយប្រពន្ធមានមុខរបរជាជាងអ៊ុតសក់ ចំណែកប្ដីកាលពីមុនជាជាងធ្វើស្លាកយីហោ ប៉ុន្តែមួយរយៈពេលចុងក្រោយនេះប្ដីគ្មានមុខរបរធ្វើទេ ដែលជាហេតុធ្វើឲ្យជីវភាពគ្រួសារមានការខ្វះខាត ហើយដោយសារតែគ្មានលុយចាយវាយ ប្រពន្ធបានសុំប្ដីទៅធ្វើជាស្រីបម្រើនៅក្នុងហាងខារ៉ាអូខេមួយ ប៉ុន្តែត្រូវបានប្ដីបដិសេធន៍មិនព្រមឲ្យធ្វើឡើយ ទើបមានទំនាស់កើតឡើងរហូតដល់ការចែកផ្លូវគ្នា ប៉ុន្តែមិនបានទៅប្ដឹងដល់អាជ្ញាធរភូមិឃុំ ឬតុលាការឡើយ ។

ក្រោយពេលបែកផ្លូវគ្នាអ្នកទាំងបានដណ្ដើមគ្នា យកកូនទៅគ្រប់គ្រងរៀងៗខ្លួន ដោយឡែក នៅមុនពេលកើតហេតុបុរសជាប្ដីបានលួចយកកូនប្រុស ជិះម៉ូតូរត់គេចខ្លួនទៅកាន់ស្រុកកំណើតនៅខេត្តតាកែវពេលនោះនាងជាប្រពន្ធបានជិះម៉ូតូឌុបដេញតាមទាន់ នៅចំណុចមុខអធិការដ្ឋាននគរបាល ខណ្ឌពោធិ៍សែនជ័យ ហើយបានដណ្ដើមកូនគ្នាបណ្ដាលឲ្យមានការភ្ញាក់ផ្អើលតាមផ្លូវយ៉ាងខ្លាំង បន្ទាប់មកនគរបាលប៉ុស្ដិ៍កាកាប បានចុះទៅអន្តរាគមន៍នាំអ្នកទាំង២ទៅកាន់ប៉ុស្ដិ៍ ហើយពួកគេក៏បានសម្រួលគ្នា ដោយសុខចិត្តរស់នៅជាមួយគ្នាវិញ រីឯប្ដីបានសន្យាថានិងរកស៊ីចិញ្ចឹមប្រពន្ធ មិនឲ្យនាងទៅធ្វើជាស្រីបម្រើហាងខារ៉ាអូខេឡើយ ៕

Loading...
Loading...
Recently Posts